ⵉⵙⵏⴻⴼⴻⴷ ⵓⵎⵣⵉⵡ ⴰⵎⴰⵢⵏⵓ ⵏ ⵜⴻⴳⴷⵓⴷⴰ ⵏ ⵎⴰⵍⵟⴰ, ⵞⵀⵔⵉⵙⵜⵉⴰⵏ ⵣⴰⵎⵎⵉⵜ, ⴰⵙⵙ-ⴰ ⵏ ⵓⵕⴻⴱⵄⴰ, ⴷⴷⵓⵕ ⴰⵎⵓⵙⵏⴰⵇ ⵉ ⵜⴳⴰ ⴷⵣⴰⵢⴻⵔ ⵙⴷⴰⵜ ⵓⴳⵔⴰⵡ ⴰⴳⵔⴰⵖⵍⴰⵏ ⴷ ⵢⵉⵡⴰⵚⵚⴰⵢⴻⵏ-ⵉⵏⴻⵙ ⵉ ⵓⵙⵏⴻⵔⵏⵉ ⴷ ⵓⵙⵊⴻⵀⴻⴷ ⵏ ⵍⴻⵀⵏⴰ ⴷ ⵓⵔⴽⴰⴽ ⴷⴻⴳ ⵜⴻⵎⵏⴰⴹⵜ.
ⴷⴻⴳ ⵓⵏⵏⴰ ⵏ ⵜⵏⴻⴼⵍⵉⵜ ⵉ ⴷ-ⵢⴻⴼⴽⴰ ⵙⴻⵍⴷ ⴰⵙⵎⵉ ⵉ ⵉⵙⵔⴻⵙ ⵢⵉⴼⴻⵔⵔⴰⵡⴻⵏ ⵏ ⵓⵜⴰⵎⵡⴻⵍ-ⵉⵙ ⵖⴻⵔ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ, ⵢⴻⵏⵏⴰ ⵎⴰⵙⵙ ⵣⴰⵎⵎⵉⵜ ⴷⴰⴽⴽⴻⵏ ⵎⴰⵍⵟⴰ "ⵜⴻⴼⴽⴰ ⵡⴰⵣⴰⵍ ⴰⵎⴻⵇⵇⵔⴰⵏ ⵉ ⵡⴰⵙⵙⴰⵖⴻⵏ-ⵉⵙ ⴷ ⴷⵣⴰⵢⴻⵔ, ⴷ ⵜⵎⵓⵔⵜ ⵉ ⵢⴻⵜⵜⵡⴰⵇⵇⵙⴻⵏ ⵖⴻⵔ ⵓⵙⵏⴻⵔⵏⵉ ⵏ ⵓⵜⴰⵎⵡⴻⵍ ⴷ ⵓⵙⵊⴻⵀⴻⴷ ⵏ ⵓⵙⴻⵇⴷⴻⵛ ⴷⴻⴳ ⵢⵉⵙⴻⵏⵜⴰⵍ ⵏ ⵓⵜⴻⵎⵎⴻⴷ ⴰⵎⵙⴻⵎⵎⴰⵍ ⴷⴻⴳ ⵢⵉⵙⵡⵉⵔⴻⵏ ⵉⵙⵉⵡⴰⵏⴻⵏ ⴷ ⵓⵎⴰⴳⵜⴻⵣ".
ⵉⵙⵙⴻⴼⴻⵀⵎ-ⴷ ⴷⴰⴽⴽⴻⵏ ⵎⴰⵍⵟⴰ, ⴰⵎ ⴰⵎⴰⵙⵍⴰⴷ ⴷⴻⴳ ⵜⴰⵎⵓⵏⵜ ⵏ ⵓⵔⵓⵒⵒⴰ, "ⵜⵙⴻⴷⵀⴻⵍ ⴰⵙⴻⵍⵃⵉ ⵏ ⵓⵙⵊⴻⵀⴻⴷ ⵏ ⵡⴰⵙⵙⴰⵖⴻⵏ ⴳⴰⵔ ⵜⴰⵎⵓⵏⵜ ⵏ ⵓⵔⵓⵒⵒⴰ ⴷ ⴷⵣⴰⵢⴻⵔ ⵙ ⵏⴰⴷⵉ ⴰⵎⴻⵣⴳⵉ, ⴰⵙⵊⴻⵀⴻⴷ ⵏ ⵓⵜⴰⵎⵡⴻⵍ ⴷ ⵓⵎⴰⵀⵉⵍ ⵖⴻⵔ ⵓⵙⵙⴻⵇⵔⴻⴱ ⵏ ⵜⵡⴰⵙⵙⵏⴰ ⵜⴰⴷⴰⵎⵙⴰⵏⵜ ⴷ ⵓⵙⵏⴻⵔⵏⵉ ⵏ ⵢⵉⵎⵙⴻⵏⴼⴰⵍ ⴰⵏⴻⵣⵔⵓⵢ ⴷ ⵢⵉⵙⴻⵏⵏⵉⴼⴰⵔⴰ".
ⴷⴻⴳ ⵓⴽⴰⵜⴰⵕ-ⴰ, ⵉⵙⵙⴻⵖⵔⴻⵜ ⵣⴰⵎⵎⵉⵜ ⴷⴰⴽⴽⴻⵏ ⵜⴰⵎⵓⵔⵜ-ⵉⵙ "ⵜⴰⵣⵣⴻⵔ ⵡⴰⵣⴰⵍ ⵏ ⴷⴷⵓⵕ ⴰⵎⵓⵙⵏⴰⵇ ⵉ ⵜⴳⴰ ⴷⵣⴰⵢⴻⵔ ⴷⴻⴳ ⵓⴳⵔⴰⵡ ⴰⴳⵔⴰⵖⵍⴰⵏ ⴷ ⴰⵇⵇⴰⵙ-ⵉⵙ ⵖⴻⵔ ⵜⴷⵉⴱⵍⵓⵎⴰⵜⵉⵢⵜ ⴷ ⵏⴰⴷⵉ ⴷⴻⴳ ⵓⴼⵔⴰⵖ ⵏ ⵢⵉⴽⴰⵢⴰⴷⴻⵏ ⵉⵎⵏⴰⴹⴰⵏⴻⵏ ⴷ ⵢⵉⴳⵔⴰⵖⵍⴰⵏⴻⵏ", ⴰⵎ ⴰⴽⴽⴻⵏ ⵉ "ⵜⵙⵏⴻⴼⴻⴷ ⵢⵉⵡⴰⵚⵚⴰⵢⴻⵏ ⵉⵎⴻⵣⴳⵉⵢⵏ ⵏ ⴷⵣⴰⵢⴻⵔ ⵉ ⵓⵙⵏⴻⵔⵏⵉ ⵏ ⵍⴻⵀⵏⴰ ⴷ ⵓⵔⴽⴰⴽ ⴷⴻⴳ ⵜⴻⵎⵏⴰⴹⵜ".
ⴷⴻⴳ ⵓⵙⵡⵉⵔ ⴰⵙⵉⵡⴰⵏ, ⵉⵙⵙⴻⴽⵏ-ⴷ ⵓⵎⵣⵉⵡ ⵏ ⵎⴰⵍⵟⴰ ⴷⴰⴽⴽⴻⵏ ⴰⵙⵙⴰⵖⴻⵏ ⵉ ⵉⵙⵙⴻⵎⵍⴰⵍⴻⵏ ⵙⵉⵏ ⵏ ⵜⵎⵓⵔⴰ ⴷ "ⵡⵉⴷ ⴷ-ⵢⴻⴷⴷⵓⵏ ⵙ ⵜⴻⴷⴷⵓⴼⵜ ⴷ ⵓⵎⴻⵣⵔⵓⵢ", ⵙ ⵓⵙⵎⴻⵔⵏⵉ ⴷⴰⴽⴽⴻⵏ "ⴱⵏⴰⵏ ⵖⴻⴼ ⵡⴰⵢⵔⵉⵜ-ⵏⵙⴻⵏⵜ ⴰⵎⵏⴰⴹⴰⵏ ⴰⵎⵙⴻⵎⵎⴰⵍ ⴷⴻⴳ ⵢⵉⵍⴻⵍ ⴰⴳⵔⴰⴽⴰⵍ, ⵜⴰⵡⴰⵙⵙⵏⴰ ⵏ ⵓⵎⴻⵣⵔⵓⵢ ⴷ ⵡⵓⵙⵙⵓⵔ ⴰⵎⵙⴻⵎⵎⴰⵍ", ⵙ ⵓⵙⵎⴻⴽⵜⵉ ⴷⴰⴽⴽⴻⵏ ⵜⴰⵣⴷⵓⵖⵜ-ⵏⵙⴻⵏⵜ ⴷⴻⴳ ⵢⴻⵎⵣⴰ ⵢⴻⵍⵍⴰ ⴷ "ⴰⴷⵔⴰⵔ ⴰⵎⴻⴷⵡⴻⵍ ⵉ ⵓⵙⴻⵍⵃⵉ ⵏ ⵓⵙⵊⴻⵀⴻⴷ ⵏ ⵜⴷⵓⴽⵍⵉ-ⵏⵙⴻⵏⵜ, ⵉ ⵓⵙⵎⴻⴽⵜⵉ ⵏ ⵢⵉⵙⵡⵉⵔⴻⵏ-ⵏⵙⴻⵏⵜ ⵉⵎⵙⴻⵎⵎⴰⵍⴻⵏ ⴷⴻⴳ ⵓⵙⵏⴻⴼⵙⵉ ⵏ ⵍⴻⵀⵏⴰ, ⵓⵔⴽⴰⴽ ⴷ ⵓⴼⵍⴰⵍⵉ".
ⵉⵙⵙⴻⵖⵔⴻⵜ-ⴷ ⴷⴰⴽⴽⴻⵏ "ⴰⵙⵊⴻⵀⴻⴷ ⵏ ⵡⴰⵙⵙⴰⵖⴻⵏ ⵉⴷⴰⵎⵙⴰⵏⴻⵏ ⴷ ⵢⵉⵏⴻⵣⵔⵓⵢⴻⵏ, ⵍⴰⴷⵖⴰ, ⴷ ⵜⴰⵣⵡⴻⵔⵜ ⵜⴰⵎⴻⵇⵇⵔⴰⵏⵜ", ⵙ ⵓⵙⵙⴻⴳⵔⴻⵙ ⵏ "ⵓⵙⵙⵉⴷⴷⵓ ⵏ ⵜⴷⵓⴽⵍⵉⵡⵉⵏ ⵜⵉⵎⴰⵢⵏⵓⵜⵉⵏ ⴳⴰⵔ ⵙⵉⵏ ⵏ ⵜⵎⵓⵔⴰ".
ⵉⵙⵙⴻⴽⴼⴻⵍ-ⴷ ⴷⴻⴳ ⵓⴽⴰⵜⴰⵕ-ⴰ ⴰⵙⵙⴰⵔⴻⵎ-ⵉⵙ ⵉ "ⵓⵎⴰⵀⵉⵍ ⵙ ⵓⵎⴻⴷⵡⴻⵍ ⴷ ⵢⵉⵏⴻⴷⴱⴰⵍⴻⵏ ⵉⴷⵣⴰⵢⵔⵉⵢⴻⵏ ⵉ ⵓⵙⵙⴻⴱⴷⵓⴷ ⵏ ⵢⵉⴷⵔⴰⵙⴻⵏ ⵉⵎⴻⵣⵔⵓⵢⴰⵏⴻⵏ ⵖⴻⴼ ⵉ ⴱⵏⴰⵏ ⵡⴰⵙⵙⴰⵖⴻⵏ ⵉⵙⵉⵡⴰⵏⴻⵏ ⴷ ⵓⵙⵊⴻⵀⴻⴷ ⵏ ⵜⵡⴰⵙⵙⵏⴰ ⵏ ⴷⴷⵓⴼⵜ ⴳⴰⵔ ⵙⵉⵏ ⵏ ⵜⵎⵓⵔⴰ ⴷ ⵓⵙⵏⴻⵔⵏⵉ ⵏ ⵢⵉⵙⵡⵉⵔⴻⵏ ⵏ ⵓⵜⴰⵎⵡⴻⵍ, ⵉ ⵓⵙⵎⴻⴽⵜⵉ ⵏ ⵓⴼⴰⵕⴻⵚ ⴰⵎⵙⴻⵎⵎⴰⵍ ⵉ ⵙⵉⵏ ⵏ ⵢⵉⴷⵉⵙⴰⵏ".
ⴰⵔⵏⵓ ⵖⴻⵔ
