ⴰⵍⵖⵓ ⵓⵥⵍⴰⵢ: ⴰⴷⴼⴻⵍ, ⴰⴳⴼⴼⵓⵔ ⴷ ⵡⴰⴹⵓ ⵏ ⵜⵉⴷⴷⵉ ⴷⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ

ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⴱⴱⴻⵔⵔⴻⵃ-ⴷ ⵡⴰⵎⴰⵙⵏⵉ ⵏ ⵜⵙⵏⵉⴳⵏⵓⵜ, ⴷⴻⴳ ⵢⵉⵡⴻⵏ ⵡⴰⵍⵖⵓ ⵓⵥⵍⴰⵢ ⴰⵙⵙ-ⴰ ⵏ ⵍⵃⴻⴷ, ⴱⴻⵍⵍⵉ ⴰⴷ ⴷ-ⵢⵉⵍⵉ ⵓⴷⴼⴻⵍ ⴷ ⵓⴳⴼⴼⵓⵔ ⵉⵊⴻⵀⴷⴻⵏ ⴷⴻⴳ ⵡⴰⵟⴰⵙ ⵏ ⵜⵎⴻⵏⵏⴰⴹⵉⵏ ⵏ ⵜⵎⵓⵔⵜ.

ⴷⴻⴳ ⵡⴰⵍⵖⵓ-ⵏⵏⵉ ⵉ ⵢⴻⵍⵍⴰⵏ ⴷⴻⴳ ⵜⵙⴻⴷⴷⴰⵔⵜ ⵜⴰⵎⴻⵣⵡⴰⵔⵓⵜ (ⵉⵏⵉ ⴰⵡⵔⴰⵖ), ⴰⴷⴼⴻⵍ ⴰⴷ ⵢⴻⵡⴻⵜ ⴷⴻⴳ ⵜⵡⵉⵍⴰⵢⵉⵏ-ⴰⴳⵉ: ⵅⴻⵏⵛⵍⴰ, ⴱⴰⵜⵏⴰ, ⵙⵟⵉⴼ, ⴱⵓⵔⵊ ⴱⵓⵄⵔⵉⵔⵉⵊ, ⴱⴳⴰⵢⴻⵜ ⴷ ⵜⵉⵣⵉ ⵡⴻⵣⵣⵓ.

ⵢⴻⵔⵏⴰ-ⴷ ⵡⴰⵎⴰⵙⵏⵉ ⵏ ⵜⵙⵏⵉⴳⵏⵓⵜ ⴱⴻⵍⵍⵉ ⵜⵉⵡⵉⵍⴰⵢⵉⵏ ⴰⵔⴰ ⵢⴻⵡⵜ ⵓⴳⴼⴼⵓⵔ ⴷ ⵔⵔⴰⴷ ⴷ: ⴱⵓⵔⵊ ⴱⵓⵄⵔⵉⵔⵉⵊ ⴷ ⵍⵎⴷⴻⵢⵢⴻⵜ.

ⵙⴻⴳ ⵍⵊⵉⵀⴰ ⵏ ⵡⴰⴹⵓ ⵉⵊⴻⵀⴷⴻⵏ, ⴰⵍⵖⵓ ⵢⴻⵏⵏⴰ-ⴷ ⴱⴻⵍⵍⵉ ⴰⴷ ⵢⴻⵡⴻⵜ ⴷⴻⴳ: ⵜⵍⴻⵎⵙⴰⵏ, ⴱⴰⵜⵏⴰ, ⵍⵡⴰⴷ, ⵜⵓⵇⵓⵔⵜ, ⵖⴰⵔⴷⴰⵢⴰ, ⵡⴰⵔⴳⵍⴰ, ⵍⵎⴻⵏⵉⵄⴰ, ⴰⴷⵔⴰⵔ, ⴱⵓⵔⵊ ⴱⴰⵊⵉ ⵎⵓⵅⵜⴰⵔ, ⵄⵉⵏ ⵇⴻⵣⵣⴰⵎ ⴷ ⵜⵎⴻⵏⵔⴰⵙⴻⵜ.

ⵜⴰⴳⴳⴰⵔⴰ, ⴰⵎⴰⵙⵏⵉ ⵢⴻⴼⴽⴰ ⵜⴰⵢⵏⵉⵜ ⵖⴻⴼ ⵡⴰⴹⵓ ⵏ ⵜⵉⴷⴷⵉ (ⴰⵣⴰⵊⵏⵉ ⵏ ⵜⵎⴰⵍ) ⴰⵔⴰ ⴷ-ⵢⵉⵍⵉⵏ ⴷⴻⴳ ⵜⵡⵉⵍⴰⵢⵉⵏ-ⴰⴳⵉ: ⴱⴰⵜⵏⴰ, ⵍⵡⴰⴷ, ⵜⵓⵇⵓⵔⵜ, ⵖⴰⵔⴷⴰⵢⴰ, ⵡⴰⵔⴳⵍⴰ, ⵍⵎⴻⵏⵉⵄⴰ, ⴰⴷⵔⴰⵔ, ⴱⵓⵔⵊ ⴱⴰⵊⵉ ⵎⵓⵅⵜⴰⵔ, ⵄⵉⵏ ⵇⴻⵣⵣⴰⵎ, ⵜⵎⴻⵏⵔⴰⵙⴻⵜ, ⵡⵍⴰⴷ ⵊⴻⵍⵍⴰⵍ, ⵍⵎⵖⴰⵢⴻⵔ, ⵎⵙⵉⵍⴰ, ⵍⵊⴻⵍⴼⴰ, ⵍⴰⵖⵡⴰⵟ, ⵍⴱⴰⵢⴻⴹ ⴷ ⵏⵏⵄⴰⵎⴰ.

ⵢⴻⵍⵀⴰ ⴰⴷ ⵃⴰⴷⵔⴻⵏ ⵢⵉⵎⴻⵣⴷⴰⵖ ⵉⵎⴰⵏ-ⵏⵙⴻⵏ ⵢⴻⵔⵏⴰ ⴰⴷ ⵅⴹⵓⵏ ⵉ ⵢⵉⵎⵉⵞⵉⵢⴻⵏ ⵏ ⵍⵃⴰⵍⴰ-ⴰⴳⵉ ⵏ ⵢⵉⴳⵏⴻⵏ ⵉ ⵢⴻⵣⵎⴻⵔ ⴰⴷ ⵢⴻⴳ ⵛⵛⵡⴰⵍ ⴷⴻⴳ ⵡⴰⵙⵙⴰⵢ ⴷ ⵜⵎⵓⵖⵍⵉ.