ⴰⵍⴷⴰⵢ ⵏ ⵜⵙⴻⵎⵎⵓⵏⵜ ⵏ ⵓⵙⵉⵍⴻⵖ ⵏ ⵜⴻⵎⵏⴰⵟ ⵖⴻⴼ "ⵉⵍⵙⴰⵙⴻⵏ ⵏ ⵜⴻⵙⵍⴻⵟ ⵜⵓⵣⵔⵉⴼⵜ ⵜⴰⵡⵓⵜⴰⵎⴰⵏⵜ"

ⵢⴻⵙⵙⴻⵍⵡⴰⵢ ⵓⵏⴻⵖⵍⴰⴼ ⵏ ⵜⵎⴻⵔⵔⵉ ⴷ ⵜⵎⴻⵔⵔⵉⵢⵉⵏ ⵜⵉⵎⴰⵢⵏⵓⵜⴻⵏ, ⵎⴰⵙⵙ ⵎⵓⵓⵔⴰⴷ ⴰⴷⵊⴰⵍ, ⵉⵎⴰⵀⵉⵍⴻⵏ ⵏ ⵓⵍⴷⴰⵢ ⵏ ⵜⵙⴻⵎⵎⵓⵏⵜ ⵏ ⵓⵙⵉⵍⴻⵖ ⵏ ⵜⴻⵎⵏⴰⵟ   ⵖⴻⴼ "ⵉⵍⵙⴰⵙⴻⵏ ⵏ ⵜⴻⵙⵍⴻⵟ ⵜⵓⵣⵔⵉⴼⵜ ⵜⴰⵡⵓⵜⴰⵎⴰⵏⵜ"  ⵉ ⴷ-ⵢⴻⵙⵙⵓⴷⴷⴻⵙ ⵡⴰⵎⵎⴰⵙ ⵏ ⵓⵙⵉⵍⴻⵖ ⴷ ⵜⴰⵍⵍⴻⵍⵜ ⴷⴻⴳ ⵓⵏⵏⴰⵔ ⵏ ⵜⵎⴰⵏⴻⴳⵜ ⵜⴰⵡⵓⵜⴰⵎⴰⵏⵜ, ⵙ ⵓⵎⵢⴻⵛⵛⴻⵔ ⴷ ⵜⴻⵙⵏⵓⵔⴻⴼⵜ ⵜⴰⴳⵔⴰⵖⵍⴰⵏⵜ ⵏ ⵜⵎⴻⵔⵔⵉ ⵜⴰⵡⵓⵜⴰⵎⴰⵏⵜ (AIEA), ⵙⴻⴳ 17 ⴰⵔⵎⵉ ⴷ 21 ⵎⴰⵢⵓ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ ⴰⵙⵙ-ⴰ ⵏ ⵍⵀⴻⴷ.

ⵜⵙⴻⵎⵎⵓⵏⵜ-ⴰⴳⵉ, ⵉ ⴷⴻⴳ ⵉⵜⵜⴻⴽⴽⵉ ⵓⵎⴰⵣⴰⵏ ⵏ AIEA ⴷ ⵢⵉⵎⵓⵣⵣⴰⴳⴻⵏ ⵙⴻⴳ 11 ⵏ ⵜⵎⵓⵔⴰ, ⵜⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵓⵜⴻⴽⴽⵉ ⵏ ⵡⴰⵎⵎⴰⵙ ⵏ ⵓⵙⵉⵍⴻⵖ ⴷⴻⴳ ⵡⴰⵀⵉⵍⴻⵏ ⵏ ⵓⵣⴻⵟⵟⴰ ⴰⴳⵔⴻⵖⵍⴰⵏ ⵏ ⵡⴰⵎⵎⴰⵙⴻⵏ ⵏ ⵓⵙⵉⵍⴻⵖ ⴷⴻⴳ ⵓⵏⵏⴰⵔ ⵏ ⵜⵎⴰⵏⴻⴳⵜ ⵜⴰⵡⵓⵜⴰⵎⴰⵏⵜ ⵉ ⵜⴻⵙⵙⴻⵍⵡⴰⵢ ⵜⴻⵙⵏⵓⵔⴻⴼⵜ ⵜⴰⴳⵔⴰⵖⵍⴰⵏⵜ (AIEA).

ⴷⴻⴳ ⵜⵎⴻⵙⵍⴰⵢⵜ-ⵉⵙ ⵏ ⵓⵍⴷⴰⵢ, ⵙ ⵜⵉⵍⵉⵜ ⵏ ⵓⵙⴻⵍⵡⴰⵢ ⵏ ⵜⴰⴷⴱⴻⵍⵜ ⵜⴰⵖⴻⵍⵏⴰⵡⵜ ⵏ ⵜⵎⴰⵏⴻⴳⵜ ⵜⴰⵡⵓⵜⴰⵎⴰⵏⵜ, ⴷ ⵜⵙⴻⵍⵡⴰⵢⵜ ⵏ ⵜⴻⵙⵇⴰⵎⵓⵜ ⵏ ⵓⵣⴻⵟⵟⴻⴹ ⵏ ⵜⵔⵉⵙⵉⵜⵉ ⴷ ⵍⴳⴰⵣ, ⴷ ⵓⵎⵓⵀⴰⵡ ⵏ ⵜⵎⴻⵔⵔⵉ ⵜⴰⵡⵓⵜⴰⵎⴰⵏⵜ, ⴰⵏⴻⵖⵍⴰⴼ ⵉⵙⵙⴻⴽⵏⴻⴷ ⴱⴻⵍⵍⵉ "ⵜⴰⵙⴻⵎⵎⵓⵏⵜ-ⴰⴳⵉ ⴷ ⵜⴰⴳⵏⵉⵜ ⵉ ⵓⵄⴰⵡⴻⴷ ⵏ ⵓⵣⴻⴶⵀⴻⴷ ⵏ ⵍⴻⴱⵖⵉ ⵏ ⵍⴻⵣⵣⴰⵢⴻⵔ ⵉ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⴷⴻⴳ ⵜⴻⵎⵏⴰⵟ ⴷ ⵓⴳⵔⴰⵖⵍⴰⵏ ⵉ ⵓⵙⵏⴻⴼⵍⵉ ⴷ ⵓⴷⴻⴳⴳⴻⵔ ⵏ ⵡⴰⵀⵉⵍⴻⵏ ⵏ ⵓⵙⴻⵎⵔⴻⵙ ⵏ ⵍⴻⵀⵏⴰ ⵏ ⵜⵎⴻⵔⵔⵉ ⵜⴰⵡⵓⵜⴰⵎⴰⵏⵜ, ⵍⴰⴷⵖⴰ ⵉ ⵏⴼⴰⵄ ⵏ ⵜⵎⵓⵔⴰ ⵏ ⵜⴻⴼⵔⵉⵇⵜ".

ⵉⵙⵙⴻⴽⵜⵉ-ⴷ ⵓⵖⴱⴰⵍⵓ-ⵏⵏⵉ ⴱⴻⵍⵍⵉ ⴰⵙⵓⴷⴷⴻⵙ ⵏ ⵜⵙⴻⵎⵎⵓⵏⵜ-ⴰⴳⵉ ⴷⴻⴳ ⵍⴻⵣⵣⴰⵢⴻⵔ "ⵢⴻⵎⵎⴰⵍ-ⴷ ⵜⵓⵛⵛⵉⵜ ⵉ ⵉⵜⴻⴷⴷⵓⵏ ⵉ ⵓⴷⴻⴳⴳⴻⵔ ⵏ ⵓⵎⵢⴻⵛⵛⴻⵔ ⵉ ⵓⴼⵡⴰⴷ ⵏ ⵢⵉⴽⴰⵢⴰⴷⴻⵏ ⵢⴻⵄⵏⴰⵏ ⵜⴰⵎⴰⵏⴻⴳⵜ ⵜⴰⵡⵓⵜⴰⵎⴰⵏⵜ, ⵙ ⵓⵎⵓⴱⴱⴰⴷⴷⴻⵍ ⵏ ⵜⵎⵓⵖⵍⵉⵡⵉⵏ ⵙ ⴷⴷⴰⵡ ⵏ ⵜⵎⵓⵖⵍⵉ ⵏ AIEA, ⵉ ⵓⵟⵎⴰⵏ ⵏ ⵓⵃⵔⴰⵣ ⵏ ⵢⵉⵎⴷⴰⵏⴻⵏ, ⵢⵉⵍⴰ (goods) ⴷ ⵜⴰⵡⵏⵏⴰⴹⵜ ⵙⴻⴳ ⵢⵉⵎⵉⵀⵉⵢⴻⵏ ⵏ ⵢⵉⵥⴻⵕⴽⴰⵏ".

ⵙⴻⴳ ⵜⴰⵎⴰ-ⵙ, ⴰⵎⵓⵀⴰⵡ ⵏ ⵜⵎⴻⵔⵔⵉ ⵜⴰⵡⵓⵜⴰⵎⴰⵏⵜ, ⵎⴰⵙⵙ ⴰⴱⴷⴻⵍⵀⴰⵎⵉⴷ ⵎⴻⵍⵍⴰⵀ, ⵉⵙⵙⴻⴼⵀⴻⵎ-ⴷ ⴱⴻⵍⵍⵉ ⵉⵙⵡⵉ ⵏ ⵓⵙⵉⵍⴻⵖ-ⴰⴳⵉ ⴷ "ⴰⵙⵏⴻⴽⵏⴻⴷ ⵏ ⵡⴰⵣⴰⵍ ⵏ ⵜⴻⵙⵍⴻⵟ ⵜⵓⵣⵔⵉⴼⵜ ⵜⴰⵡⵓⵜⴰⵎⴰⵏⵜ ⵉ ⵓⵎⴻⵏⵏⵓⵖ ⵎⴳⴰⵍ ⵜⵉⴳⴳⴰⵜⵉⵏ ⵏ ⵜⴽⴻⵔⵔⵉⵛⵜ, ⴰⵎⴰ ⵙ ⵜⵎⵓⵖⵍⵉ ⵏⴻⵖ ⵎⴻⴱⵍⴰ ⵎⴰ ⵢⴻⵍⵍⴰ-ⴷ ⵍⴻⴱⵖⵉ, ⵉ ⴷⴻⴳ ⵣⴻⵎⵔⴻⵏⵜ ⴰⴷ ⵜⵜⵓⵙⴻⵎⵔⵙⴻⵏⵜ ⵜⵖⴰⵡⵙⵉⵡⵉⵏ ⵜⴰⵡⵓⵜⴰⵎⴰⵏⵜ ⵏⴻⵖ ⵏ ⵢⵉⵥⴻⵕⴽⴰⵏ ⵉ ⵉⵣⴻⵎⵔⴻⵏ ⴰⴷ ⵙⵙⴻⴼⵛⵏⴻⵏⵜ ⵜⴰⵎⴰⵏⴻⴳⵜ ⵏ ⵢⵉⵎⴷⴰⵏⴻⵏ ⴷ ⵜⴰⵡⵏⵏⴰⴹⵜ".

ⵡⵉⴷ ⵢⴻⵙⵙⴻⵍⵡⴰⵢⴻⵏ ⴰⵙⵉⵍⴻⵖ-ⴰⴳⵉ ⴷ ⵉⵎⵓⵣⵣⴰⴳⴻⵏ ⵏ ⵜⵎⴰⵏⴻⴳⵜ ⵜⴰⵡⵓⵜⴰⵎⴰⵏⵜ ⵙⴻⴳ ⵓⵃⵔⵉⵛ ⵏ ⵜⵎⴰⵏⴻⴳⵜ ⵏ AIEA, ⵙⴻⴳ ⵓⵎⴰⵍⴷⴰⵢ (Laboratoire) ⴰⵖⴻⵍⵏⴰⵡ ⵏ ⵢⵉⵡⵓⵏⴰⴽ ⵢⴻⴷⴷⵓⴽⴽⵍⴻⵏ ⵏ ⵎⴰⵔⵉⴽⴰⵏ, ⴷ ⵜⵎⵓⵀⴰⵡⵜ ⵏ ⵜⵎⴻⵔⵔⵉ ⵜⴰⵡⵓⵜⴰⵎⴰⵏⵜ ⵏ ⵍⵓⵔⴷⵓⵏ, ⵔⵏⵉ-ⴷ ⴼⴻⵍⵍ-ⴰⵙⴻⵏ ⵉⵎⵓⵣⵣⴰⴳⴻⵏ ⵏ ⵡⴰⵎⵎⴰⵙ ⵏ ⵓⵙⵉⵍⴻⵖ ⴰⵣⵣⴰⵢⵔⵉ.

ⴰⵀⵉⵍ ⵏ ⵜⵙⴻⵎⵎⵓⵏⵜ-ⴰⴳⵉ — ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵜⴰⴳⴳⴰⵔⴰ ⵏ ⵓⵙⵉⵡⴹ — ⴷⴻⴳ-ⵙ "ⵜⵎⴻⵙⵍⴰⵢⵉⵏ ⴷ ⵢⵉⴽⴰⵢⴰⴷⴻⵏ ⵏ ⵓⵙⵏⴻⵙ ⵢⴻⵄⵏⴰⵏ ⴰⵙⵏⴻⴼⵍⵉ ⵏ ⵜⵎⵓⵙⵏⵉⵡⵉⵏ ⴷ ⵜⴰⵔⵔⴰⵢⵉⵏ ⵏ ⵓⵎⵢⴻⵛⵛⴻⵔ ⴰⴳⵔⴻⵖⵍⴰⵏ ⴷⴻⴳ ⵓⵏⵏⴰⵔ-ⴰⴳⵉ".