ⵢⴻⵍⴷⵉ ⴰⵙⵙ-ⴰ ⵏ ⵍⴻⵜⵏⴰⵢⴻⵏ, ⴷⴻⴳ ⵓⵙⴰⵍⴰⵢ ⴰⵖⴻⵍⵏⴰⵡ ⵏ ⵓⵣⵡⴰⵇ, ⵜⵉⴼⵔⵉⵡⵉⵏ ⴷ ⵜⵉⵔⴰ (ⵍⵇⵓⵚⴻⵔ ⵏ ⵎⵓⵚⵟⴰⴼⴰ ⴱⴰⵛⴰ) ⴷⴻⴳ ⵍⵇⴻⵚⴱⴰ ⵏ ⵡⴰⴷⴷⴰ, ⵢⵉⵡⴻⵏ ⵓⵎⵓⵔⵔⴰⵏ ⵏ ⵜⴻⵊⵎⴰⵄⵜ ⵏ ⵜⵥⵓⵔⵉ ⵏ ⵓⵣⵡⴰⵇ ⴷ ⵓⵔⵙⴻⵎ ⵖⴻⴼ ⵢⵉⵙⵖⴰⵔⴻⵏ . ⴰⵎⵓⵔⵔⴰⵏ-ⴰ ⵢⴻⵡⵡⵉ-ⴷ ⵍⵎⴰⵇⴰⵍⴰⵜ ⵏ ⵜⵥⵓⵔⵉ ⵉ ⴷ-ⵢⴻⵙⴽⴰⵏⴻⵏ ⵜⴰⵎⵓⵙⵏⵉ ⵏ ⵢⵉⴼⴰⵙⵙⴻⵏ ⵏ ⵢⵉⵣⵣⴰⵢⵔⵉⵢⴻⵏ, ⵢⴻⵔⵏⴰ ⴰⵢⴰ ⵢⴻⵍⵍⴰ-ⴷ ⴷⴻⴳ ⵓⴼⵔⴰⴳ ⵏ ⵓⵙⴼⵓⴶⴻⵍ ⵏ ⵡⴰⵙⵙ ⴰⵖⴻⵍⵏⴰⵡ ⵏ ⵍⵇⴻⵚⴱⴰ ⵉ ⴷ-ⵢⴻⵜⵜⴰⵙⴻⵏ ⵢⴰⵍ 23 ⴼⵓⵔⴰⵔ.
ⴰⵎⵓⵔⵔⴰⵏ-ⴰ ⵉ ⵡⵓⵎⵉ ⵙⴻⵎⵎⴰⵏ "ⵍⵡⴻⵔⵜ ⵢⴻⴷⴷⴻⵔⵏ ⴷⴻⴳ ⵍⴻⴱⵏⵉ ⵏ ⵍⵇⴻⵚⴱⴰ", ⵜⵜⴻⴽⴽⴰⵏⵜ ⴷⴻⴳ-ⵙ ⵜⵍⴰⵜⴰ (3) ⵏ ⵜⵏⴰⵥⵓⵔⵉⵏ: ⵡⵉⴷⴰⴷ ⵜⵓⵡⴰⵜ ⵍⵖⴻⴱⵔⵉⵏⵉ, ⵏⴰⵡⴰⵔⴰ ⴶⴰⵎⵉⵍⴰ ⴷ ⴶⴰⵣⵓⵍⵉ ⵣⴰⴽⵢⴰ. ⴷ ⵜⴰⴳⵏⵉⵜ ⵉ ⵓⵖⴻⵔⴼ ⵉⵡⴰⴽⴽⴻⵏ ⴰⴷ ⵡⴰⵍⵉⵏ ⴰⵟⴰⵙ ⵏ ⵜⵖⴰⵡⵙⵉⵡⵉⵏ ⵏ ⵓⴷⵉⴽⵓⵔ ⴷ ⵍ-ⴰⵜⴰⵜ ⵏ ⵓⵅⵅⴰⵎ ⵉ ⵢⴻⵜⵜⵡⴰⵅⴻⴷⵎⴻⵏ ⵙ ⵜⵥⵓⵔⵉ ⵏ ⵍⵇⴻⵚⴱⴰ, ⴰⵎ ⵢⵉⵙⴻⵏⴷⵓⵇⴻⵏ ⵏ ⵍⴼⴻⵟⵟⴰ, ⵍⴻⵎⵔⵉ, ⵙⵟⵉⵡⴰ ⴷ ⵜⴼⴻⵍⵡⵉⵏ ⵏ ⵓⵣⵡⴰⵇ ⴷ ⵜⵉⵔⴰ ⵜⴰⵄⵔⴰⴱⵜ.
ⴷⴻⴳ ⵓⴼⵔⴰⴳ-ⴰ, ⵣⴰⴽⵢⴰ ⴶⴰⵣⵓ ⵜⴻⴼⴽⴰ-ⴷ ⵢⵉⵡⴻⵏ ⵓⵙⴻⵏⴷⵓⵇ ⵏ ⵢⵉⵙⵖⴰⵔⴻⵏ ⴰⵣⴻⴳⵣⴰⵡ ⴷ ⴰⵎⵓⵇⵔⴰⵏ ⵉ ⵡⵓⵎⵉ ⵙⴻⵎⵎⴰⵏ "ⵍⴼⵏⵉⵇ", ⵢⴻⵣⵡⴰⵇ ⵙ ⵢⵉⵡⴻⵏ ⵡⵓⴷⴻⵎ ⵢⴻⴼⵔⴻⵣⵏ ⴰⵟⴰⵙ. ⵜⴻⴼⴽⴰ-ⴷ ⴷⴰⵖⴻⵏ ⵉⵙⴻⵏⴷⵓⵇⴻⵏ ⵉⵎⴻⵛⵟⵓⵃⴻⵏ ⵉ ⴷ-ⵢⴻⵜⵜⵉⵍⵉⵏ ⴷⴻⴳ "ⵍⴶⴻⵀⴰⵣ" ⵏ ⵜⵙⵍⵉⵜ ⵏ ⵍⴻⵣⵣⴰⵢⴻⵔ. ⵜⴻⴼⴽⴰ-ⴷ ⴷⴰⵖⴻⵏ ⵍⴻⵎⵔⵉ ⵏ "ⵓⵎⴻⵔⴼⴻⵄ" ⴷ "ⵜⵣⵡⵉⴼⴰ", ⴷ "ⵜⴷⵓⵡⴰⵢⵜ" ⵉ ⴷ-ⵢⴻⵜⵜⴰⴽⴻⵏ ⵙⵙⴻⵔ ⵉ ⵓⵅⵅⴰⵎ.
ⵙ ⵢⵉⴷⵉⵙ-ⵉⵙ, ⵡⵉⴷⴰⴷ ⵜⵓⵡⴰⵜ ⵍⵖⴻⴱⵔⵉⵏⵉ ⵜⴻⴼⴽⴰ-ⴷ ⵍⵎⴰⵇⴰⵍⴰⵜ ⵏ ⵜⵥⵓⵔⵉ ⵢⴻⴼⵔⴻⵣⵏ, ⴰⵎ ⵢⵉⵡⴻⵏ ⵓⵎⵓⵖ ⵏ ⵍⴻⵎⵔⵉ ⵉ ⴷ-ⵢⴻⵜⵜⴰⴽⴻⵏ ⵍⵃⴰⵎⵓ ⴷ ⵜⵓⵎⴻⵔⵜ ⴷⴻⴳ ⵓⵅⵅⴰⵎ, ⴷ ⵢⵉⵙⴻⵏⴷⵓⵇⴻⵏ ⴷ ⵍ-ⵉⵛⵎⵉⵄⴻⵏ, ⴷ ⵍⵎⴰⵇⴰⵍⴰⵜ ⵏ ⵓⴼⴰⵅⵅⴰⵔ ⵢⴻⵣⵡⴰⵇⴻⵏ ⵙ ⵢⵉⵙⴻⴳⵏⵉⵢⴻⵏ ⵏ ⵍⵇⴻⵚⴱⴰ ⴰⵎ ⵢⵉⵊⴻⴶⴶⵉⴳⴻⵏ ⴷ ⵢⵉⴼⵔⵓⵅⴻⵏ.
ⵏⴰⵡⴰⵔⴰ ⴶⴰⵎⵉⵍⴰ ⵜⴻⴼⴽⴰ-ⴷ ⴰⵎ ⵢⵉⵡⴻⵏ ⵔⵔⵣⴻⵇ ⵏ ⵜⵥⵓⵔⵉ: ⵉⵙⴻⵏⴷⵓⵇⴻⵏ ⵏ ⵍⴼⴻⵟⵟⴰ ⴷ ⴷⴷⵀⴻⴱ, ⵙ ⵍ-ⴰⵍⵡⴰⵏ ⵏ ⵓⵣⴻⴳⵣⴰⵡ, ⴰⵏⵉⵍⵉ, ⵡⵓⵔⴻⵖ ⴷ ⵓⵣⴻⴳⴳⴰⵖ, ⴰⵢⴰ ⵢⴻⵙⴽⴰⵏ-ⵢⵉⴷ ⴰⴽⴽ ⵜⴰⵢⵔⵉ-ⵙ ⵉ ⵜⵥⵓⵔⵉ-ⴰ.
ⵜⴰⵏⴻⵎⵀⴰⵍⵜ ⵏ ⵓⵙⴰⵍⴰⵢ, ⵀⴻⴶⵉⵔⴰ ⵔⴻⴽⴽⴰⴱ, ⵜⴻⵏⵏⴰ-ⴷ ⴱⴻⵍⵍⵉ ⴰⵙⴼⵓⴶⴻⵍ ⵏ ⵡⴰⵙⵙ ⵏ ⵍⵇⴻⵚⴱⴰ "ⴷ ⵜⴰⴳⵏⵉⵜ ⵏ ⵢⴰⵍ ⴰⵙⴻⴳⴳⴰⵙ ⵉⵡⴰⴽⴽⴻⵏ ⴰⴷ ⴷ-ⵏⴻⵙⴽⴻⵏ ⵍⵇⴻⴷⵔ ⵏ ⵍⵇⴻⵚⴱⴰ, ⵉ ⵢⴻⵜⵜⵡⴰⴽⴻⵛⵎⴻⵏ ⴷⴻⴳ ⵓⵎⵓⵖ ⵏ ⵓⵍⵡⴻⵔⵜ ⵏ ⴷⴷⵓⵏⵉⵜ (UNESCO) ⵙⴻⴳ 1992". ⵜⴻⵔⵏⴰ-ⴷ ⴱⴻⵍⵍⵉ ⴰⵎⵓⵔⵔⴰⵏ-ⴰ ⴰⴷ ⵉⵇⵇⵉⵎ ⴰⵔ "ⵜⴰⴳⴳⴰⵔⴰ ⵏ ⵎⴻⵖⵔⴻⵉ ⴷ-ⵢⴻⴷⴷⵓⵏ", ⵢⴻⵔⵏⴰ ⴰⴷ ⵢⴻⴼⴽ ⵜⴰⴳⵏⵉⵜ ⵉ ⵢⵉⵎⵣⵉⴽⵏⴻⵏ ⴰⴷ ⵡⴰⵍⵉⵏ ⵜⴰⵥⵓⵔⵉ ⵜⴰⵣⵣⴰⵢⵔⵉⵜ ⵜⴰⵇⴱⵓⵔⵜ.
ⴰⵎⵓⵔⵔⴰⵏ-ⴰ, ⵉ ⵢⴻⵜⵜⵡⴰⵀⴻⴳⴳⴰⵏ ⴷ ⵓⵙⴰⵍⴰⵢ ⵏ ⵜⵥⵓⵔⵉⵡⵉⵏ ⴷ ⵜⵎⵢⵓⵔⵉⵏ ⵜⵉⵖⴻⵔⴼⴰⵏⵉⵏ, ⵢⴻⵡⵡⵉ-ⴷ ⴷⴰⵖⴻⵏ ⵉⵙⴻⵡⵡⵉⵔⴻⵏ ⵉⵎⵓⵇⵔⴰⵏⴻⵏ ⵖⴻⴼ ⵍⵍⴻⴱⵙⴰ ⵏ ⵣⵣⵎⴰⵏ, ⵍⴼⴻⵟⵟⴰ, ⴷ ⵓⵏⵃⴰⵙ ⵏ ⵍⴻⵣⵣⴰⵢⴻⵔ, ⵢⴻⵔⵏⴰ ⵍⵍⴰⵏⵜ ⵜⵎⴰⵀⵉⵍⵉⵏ ⵉ ⵡⴰⵔⵔⴰⵛ ⵉⵎⴻⵛⵟⵓⵃⴻⵏ ⵉⵡⴰⴽⴽⴻⵏ ⴰⴷ ⵍⵎⴻⴷⴻⵏ ⵜⵉⵔⴰ ⵏ ⵓⵣⵡⴰⵇ.
ⴰⵔⵏⵓ ⵖⴻⵔ
