ⵉⵎⴻⵥⵍⴰ ⵏ ⵓⴼⵔⴰⴳ ⵏ ⵍⵄⴻⵙⴽⴻⵔ ⴰⵖⴻⵍⵏⴰⵡ ⴰⵎⴰⴳⴷⴰⵢ ⴷⴻⴳ ⵍⴻⴱⵍⵉⴷⴰ (ⵜⴰⵎⵏⴰⴹⵜ ⵏ ⵍⵄⴻⵙⴽⴻⵔ ⵜⴰⵎⴻⵏⵣⵓⵜ), ⵙ ⵓⵏⵢⵓⴷⴷⵓ ⴰⴽⴽⴻⴷ ⵢⵉⵎⴻⵥⵍⴰ ⵏ ⵜⵢⵓⵎⵉⵔⵜ (ⴷⵓⵓⴰⵏⴻⵙ) ⵏ ⵜⵡⵉⵍⴰⵢⵉⵏ ⵏ ⵍⵯⴻⵍⴼⴰ ⴷ ⵍⴻⵖⵡⴰⵟ, ⴷⴻⴳ ⵓⵎⴻⵀⵍⴰⵏ ⵢⵓⴼⵔⴰⵔⴻⵏ, ⵡⵡⴹⴻⵏ ⴰⴷ ⴼⵙⴻⵅⵏ ⵢⵉⵡⴻⵏ ⵏ ⵓⵣⴻⵟⵟⴰ ⵏ ⵢⵉⵎⴻⵊⵔⴰⵎⴻⵏ, ⵟⵟⴼⴻⵏ ⵙⴻⵜⵜⴰ (06) ⵏ ⵢⵉⵎⵜⵓⵏⵏⴻⴱⴻⵏ ⵢⴻⵔⵏⴰ ⵙⵏⴻⴽⵔⴻⵏ 1.33 ⵏ ⵓⵇⴻⵏⵟⴰⵔ ⵏ ⵓⴽⵓⴽⴰⵢⵉⵏ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⴷⵢⴰⵏ ⵏ ⵜⵏⴻⵖⵍⴰⴼⵜ ⵏ ⵓⴼⵔⴰⴳ ⴰⵖⴻⵍⵏⴰⵡ ⵡⴰⵙⵙ-ⴰ ⵏ ⵜⵜⵍⴰⵜⴰ.
ⵉⵙⴻⴳⵣⵉ-ⴷ ⵡⵓⵏⴰⴱⴰⵖ-ⴰⴳⵉ ⴱⴻⵍⵍⵉ "ⴷⴻⴳ ⵓⴱⵔⵉⴷ ⵏ ⵍⵯⴻⵀⴷ ⵉ ⵉⴽⴻⵎⵎⵍⴻⵏ ⵏ ⵢⵉⵀⴻⵢⵢⵓⵍⴰ ⵏ ⵍⵄⴻⵙⴽⴻⵔ ⴰⵖⴻⵍⵏⴰⵡ ⴰⵎⴰⴳⴷⴰⵢ ⵉ ⵓⵎⴻⵏⵏⵓⵖ ⵎⴳⴰⵍ ⵢⴰⵍ ⵓⴷⴻⵎ ⵏ ⵜⵓⵛⵟⴰ ⵢⴻⵙⵙⵓⴷⴷⵙⴻⵏ ⵢⴻⵣⵔⵉⵏ ⵜⵉⵍⴰⵙ, ⵙⴷⴻⴼⴼⵉⵔ ⵓⴱⴻⵇⵇⴻⵙ ⵢⴻⵍⵀⴰⵏ ⵏ ⵢⵉⵙⴰⵍⵍⴻⵏ, ⵡⵡⴹⴻⵏ ⵡⴰⵙⵙ ⵏ 20 ⵢⵓⵍⵢⵓ 2026, ⵉⵎⴻⵥⵍⴰ ⵏ ⵓⴼⵔⴰⴳ ⵏ ⵍⵄⴻⵙⴽⴻⵔ ⴷⴻⴳ ⵍⴻⴱⵍⵉⴷⴰ, ⴰⴷ ⴼⵙⴻⵅⵏ ⴰⵣⴻⵟⵟⴰ-ⴰⴳⵉ ⵏ ⵢⵉⵎⴻⵊⵔⴰⵎⴻⵏ, ⴰⴷ ⵟⵟⴼⴻⵏ 6 ⵏ ⵢⵉⵎⴷⴰⵏⴻⵏ ⴷ ⵓⵙⴻⵏⴽⴻⵔ ⵏ ⵓⵇⴻⵏⵟⴰⵔ ⴷ 33 ⵏ ⵢⵉⴽⵉⵍⵓⴳⵔⴰⵎⴻⵏ ⵏ ⵍⵎⴰⵅⴻⴷⴷⵉⵔⴰⵜ ⵉⵞⴻⵀⴷⴻⵏ (ⵓⴽⵓⴽⴰⵢⵉⵏ)".
"ⵉⴳⵎⴰⴷ-ⴰⴳⵉ ⵉ ⴷ-ⵢⴻⵍⵍⴰⵏ ⴷⴻⴳ ⵡⴰⵏⵏⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⵜⵓⵛⵟⴰ ⵢⴻⵙⵙⵓⴷⴷⵙⴻⵏ, ⴷ ⴰⴳⵎⵓⴹ ⵏ ⵓⵏⵢⵓⴷⴷⵓ ⵏ ⵓⴼⵔⴰⴳ ⴳⴰⵔ ⵢⵉⵎⴻⵥⵍⴰ ⴰⴽⴽ ⵉ ⵉⵙⴻⵀⵔⴻⵏ ⵖⴻⴼ ⵓⴼⵔⴰⴳ ⵏ ⵓⵎⴻⵔⵣⵉ", ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⵓⵏⴰⴱⴰⵖ-ⵏⵏⵉ.
ⴰⵔⵏⵓ ⵖⴻⵔ
