ⴰⴳⴻⴼⴼⵓⵔ ⴷ ⵔⵔⵄⴻⴷ ⴷ ⵡⴰⴹⵓ ⵉⴶⴻⵀⴷⴻⵏ ⵗⴻⴼ ⵡⴰⵟⴰⵙ ⵏ ⵍⵡⵉⵍⴰⵢⴰⵜ

ⵜⴰⵙⵓⴷⴷⵓⵜ ⵜⴰⵗⴻⵍⵏⴰⵡⵜ ⵏ ⵜⵙⴻⵏⵣⴻⵡⵉⵜ (ONM) ⵜⴻⵙⵙⴻⵡⴰⵢ-ⴷ ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴰⴳⴻⴼⴼⵓⵔ ⴷ ⵔⵔⵄⴻⴷ ⴷ ⵡⴰⴹⵓ ⵉⴶⴻⵀⴷⴻⵏ ⵗⴻⴼ ⵡⴰⵟⴰⵙ ⵏ ⵍⵡⵉⵍⴰⵢⴰⵜ ⵏ ⵜⵎⵓⵔⵜ.

ⵜⴰⵙⵓⴷⴷⵓⵜ ⵜⴻⵙⵙⴻⴼⴼⴻⵗ-ⴷ ⵢⵉⵡⴻⵏ ⵏ ⵓⵙⵉⵡⴻⵍ ⵏ ⵓⵙⵡⵉⵔ ⵡⵉⵙ ⵙⵉⵏ (ⴰⵙⵡⵉⵔ ⴰⵣⴻⵡⵡⴰⵗ) ⵜⴻⵇⵇⴰⵔ-ⴷ ⴱⴻⵍⵍⵉ ⵍⵇⴻⴷⴷ ⵏ ⵓⴳⴻⴼⴼⵓⵔ ⴰⴷ ⵢⴰⵡⴻⴹ ⴳⴰⵔ 40 ⴷ 50 ⵏ ⵢⵉⵎⵉⵍⵉⵎⵉⵜⵔⴻⵏ, ⵢⴻⵣⵎⴻⵔ ⴰⴷ ⵢⴰⵡⴻⴹ ⴰⵍⴰⵎⵎⴰ ⴷ 70 ⵏ ⵢⵉⵎⵉⵍⵉⵎⵉⵜⵔⴻⵏ. ⴰⵢⴰⴳⵉ ⵙⴻⴳ ⵜⵍⴰⵜⴰ (15:00) ⵏ ⵜⵎⴻⴷⴷⵉⵜ ⵏ ⵡⴰⵙⵙ-ⴰ ⴰⵍⴰⵎⵎⴰ ⴷ ⵙⵙⴻⵜⵜⴰ (06:00) ⵏ ⵚⵚⴱⴻⵃ ⵏ ⵡⴰⵙⵙ ⵏ ⵜⵍⴰⵜ.

ⵜⵉⵍⵡⵉⵍⴰⵢⵉⵏ ⵉⵗⴻⴼ ⴷ-ⵢⴻⵡⵡⴻⵜ ⵓⵙⵉⵡⴻⵍ-ⴰⴳⵉ: ⵜⵍⴻⵎⵙⴰⵏ, ⵄⵉⵏ ⵜⴻⵎⵓⵀⴻⵏⵜ, ⵡⴻⵀⵔⴰⵏ, ⵎⵄⴻⵙⴽⴻⵔ, ⵎⴻⵙⵜⵯⴰⵏⴻⵎ, ⵍⴻⵛⵍⴻⴼ, ⵜⵉⴱⴰⵣⴰ, ⵍⴻⴱⵍⵉⴷⴰ, ⵍⴻⵣⵣⴰⵢⴻⵔ ⵜⴰⵎⴰⵏⴻⵗⵜ, ⴱⵓⵎⴻⵔⴷⴰⵙ, ⵜⵉⵣⵉ ⵡⴻⵣⵣⵓ, ⴱⴳⴰⵢⴻⵜ, ⵄⵉⵏ ⴷⴻⴼⵍⴰ, ⵜⵓⴱⵉⵔⴻⵜ ⴷ ⵍⴻⵎⴷⵉⵢⴰ.

ⴷⵉ ⵍⴶⵉⵀⴰ ⵏⵏⵉⴹⴻⵏ, ⵜⴰⵙⵓⴷⴷⵓⵜ ⵜⴻⵙⵙⴻⵗⴱⴻⵍ-ⴷ ⵗⴻⴼ ⵡⴰⴹⵓ ⵉⴶⴻⵀⴷⴻⵏ ⵙⴻⴳ ⵙⵙⴻⵜⵜⴰ ⵏ ⵜⵎⴻⴷⴷⵉⵜ (18:00) ⴰⵍⴰⵎⵎⴰ ⴷ ⵜⵏⴰⵙⴼⴰ ⵏ ⵢⵉⴹ ⵗⴻⴼ: ⵍⴻⵛⵍⴻⴼ, ⵜⵉⴱⴰⵣⴰ, ⵍⴻⵣⵣⴰⵢⴻⵔ ⵜⴰⵎⴰⵏⴻⵗⵜ, ⴱⵓⵎⴻⵔⴷⴰⵙ, ⵜⵉⵣⵉ ⵡⴻⵣⵣⵓ, ⴱⴳⴰⵢⴻⵜ, ⵜⵍⴻⵎⵙⴰⵏ, ⵄⵉⵏ ⵜⴻⵎⵓⵀⴻⵏⵜ, ⵡⴻⵀⵔⴰⵏ, ⵎⴻⵙⵜⵯⴰⵏⴻⵎ, ⵙⵉⴷⵉ ⴱⴻⵍⵄⴻⴱⴱⴰⵙ, ⵎⵄⴻⵙⴽⴻⵔ, ⵜⵢⴰⵔⴻⵜ, ⵄⵉⵏ ⴷⴻⴼⵍⴰ, ⵍⴻⵎⴷⵉⵢⴰ, ⵍⴻⴱⵍⵉⴷⴰ, ⵍⴻⵎⵙⵉⵍⴰ, ⵍⴶⴻⵍⴼⴰ, ⵉⵍⵍⵉⵣⵉ, ⴶⴰⵏⴻⵜ ⴷ ⵜⴰⵎⴰⵏⵗⴰⵙⴻⵜ.