ⵢⴻⵙⵜⴻⴳ ⵓⵏⴻⵖⵍⴰⴼ ⵏ ⵢⵉⵎⴻⵖⵔⴰⵙⴻⵏ ⴷ ⵡⵉⴷ ⵉⵍⴰⵏ ⵉⵣⴻⵔⴼⴰⵏ, ⵎⴰⵙⵙ ⴰⴱⴷⴻⵍⵎⴰⵍⴻⴽ ⵜⴰⵛⵀⵔⵉⴼⴻⵜ, ⵡⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴰⵎⴻⵙⴱⴰⵟⵉ ⵏ ⵜⴻⴳⴷⵓⴷⴰ ⵜⴰⵎⴰⴳⵎⵓⵏⵜ (ⵙⵓⵛⵉⴰⵍⵉⵙⵜⴻ) ⵏ ⵠⵉⴻⵜⵏⴰⵎ ⴷⴻⴳ ⵍⴻⵣⵣⴰⵢⴻⵔ, ⵎⴰⵙⵙ ⵜⵔⴰⵏ ⵇⵓⵓⵛ ⴽⵀⴰⵏⵀ, ⵉ ⴷ-ⵢⵓⵣⵍⴻⵏ ⵉ ⵔⵔⴻⵣ ⵏ ⵓⴱⴻⵇⵇⴻⵙ (ⴼⴰⵔⴻⵡⴻⵍⵍ) ⵉⵍⵎⴻⵏⴷ ⵏ ⵜⴰⴳⴳⴰⵔⴰ ⵏ ⵓⵎⴻⵀⵍⴰⵏ-ⵉⵙ ⴷⴻⴳ ⵍⴻⵣⵣⴰⵢⴻⵔ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⴷⵢⴰⵏ ⵏ ⵜⵏⴻⵖⵍⴰⴼⵜ.
ⵉⵍⵎⴻⵏⴷ ⵏ ⵡⴰⵏⵏⴻⵛⵜ-ⴰ, ⴰⵏⴻⵖⵍⴰⴼ ⵢⴻⵙⵏⴻⵎⵎⴻⵔ "ⵍⵯⴻⵀⴷ ⵏ ⵡⵉⴷⴻⵏⴻⴷ ⵏ ⵜⴻⴳⵎⴰⵜ ⴷ ⵓⵎⴻⵣⵔⵓⵢ ⵉ ⵉⵙⴻⵎⵍⴰⵍⴻⵏ ⵉⵖⵔⴻⴼⴰⵏ ⵏ ⵍⴻⵣⵣⴰⵢⴻⵔ ⴷ ⵠⵉⴻⵜⵏⴰⵎ, ⵍⴰⴷⵖⴰ ⴰⵢⴻⵏ ⵉ ⵢⴻⵇⵇⵏⴻⵏ ⵖⴻⵔ ⵜⴳⴻⵎⵎⵉ ⵏ ⵓⵎⴻⵏⵏⵓⵖ ⵢⴻⴷⴷⵓⴽⴽⵍⴻⵏ ⵎⴳⴰⵍ ⴰⵏⴻⴽⵛⵓⵎ ⴷ ⵓⵃⵔⴰⵣ ⵏ ⵜⵍⴻⵍⵍⵉ ⴷ ⵜⴷⴰⴳⴽⴰⵏⵜ ⵜⴰⵖⴻⵍⵏⴰⵡⵜ".
ⵢⴻⴼⴽⴰ ⴰⵙⴻⵏⵎⵎⴻⵔ-ⵉⵙ ⵉ ⵓⵎⴻⵙⴱⴰⵟⵉ ⵖⴻⴼ "ⵍⵯⴻⵀⴷ ⵉ ⴷ-ⵢⴻⴼⴽⴰ ⴷⴻⴳ ⵜⴰⵍⵍⵉⵜ ⵏ ⵓⵏⵉⴳ-ⵉⵙ ⴷⴻⴳ ⵍⴻⵣⵣⴰⵢⴻⵔ ⵉ ⵓⵞⵀⴻⴷ ⵏ ⵡⵉⴷⴻⵏⴻⴷ ⵏ ⵜⵎⴻⴷⴷⵓⴽⴽⵍⴰ ⴷ ⵓⵏⵢⵓⴷⴷⵓ ⴳⴰⵔ ⵙⵏⴰⵜ ⵏ ⵜⵎⵓⵔⴰ".
ⵙⴻⴳ ⵜⴰⵎⴰ-ⵉⵙ, ⴰⵎⴻⵙⴱⴰⵟⵉ ⵏ ⵠⵉⴻⵜⵏⴰⵎ ⵢⴻⵙⵏⴻⵎⵎⴻⵔ "ⵜⴰⵍⵍⴻⵍⵜ ⵉ ⴷ-ⵢⴻⴼⴽⴰ ⵓⵃⵔⵉⵛ ⵏ ⵢⵉⵎⴻⵖⵔⴰⵙⴻⵏ ⵉ ⵓⵞⵀⴻⴷ ⵏ ⵓⴱⵔⵉⴷ ⵏ ⵓⵏⵢⵓⴷⴷⵓ ⴳⴰⵔ ⵍⴻⵣⵣⴰⵢⴻⵔ ⴷ ⵠⵉⴻⵜⵏⴰⵎ".
ⵜⴰⴳⴳⴰⵔⴰ ⵏ ⵜⴻⵎⵍⵉⵍⵉ, ⵙⵏⴰⵜ ⵏ ⵜⴰⵎⵉⵡⵉⵏ ⵙⵙⴰⵏⵜⵎⴻⵏⵜ ⴰⵡⴰⵍ-ⵏⵙⴻⵏⵜ ⵉ "ⵓⴽⴻⵎⵎⴻⵍ ⵏ ⵓⵎⴻⵀⵍⴰⵏ ⵉ ⵓⵞⵀⴻⴷ ⵏ ⵡⵉⴷⴻⵏⴻⴷ ⵏ ⵜⵎⴻⴷⴷⵓⴽⴽⵍⴰ ⴷ ⵓⵏⵢⵓⴷⴷⵓ ⴳⴰⵔ ⵍⴻⵣⵣⴰⵢⴻⵔ ⴷ ⵠⵉⴻⵜⵏⴰⵎ, ⵉ ⵍⵎⴻⵏⴼⴰⵄ ⵏ ⵙⵏⴰⵜ ⵏ ⵜⵎⵓⵔⴰ ⴷ ⵢⵉⵖⵔⴻⴼⴰⵏ ⵏ ⵜⵎⴻⴷⴷⵓⴽⴽⵍⴰ".
ⴰⵔⵏⵓ ⵖⴻⵔ
