ⵜⴻⵄⵍⴻⵏ-ⴷ ⵜⵏⴻⵖⵍⴰⴼⵜ ⵏ ⵜⴰⵣⵣⵉⵜ ⵖⴻⴼ ⵢⵉⵡⴻⵜ ⵏ ⵜⵉⴳⴳⴰⵡⵜ ⵏ ⵓⵙⵙⴻⵜⴼⴻⵀⵎ ⴷ ⵓⵃⵔⴰⵣ ⵣⴷⴰⵜ ⵏ ⵡⴰⵟⵟⴰⵏ ⵏ "ⵓⴽⵓⵔ ⵏ ⵡⴰⵎⴰⵏ" ⵜⵉⴳⴳⴰⵡⵜ-ⴰⴳⵉ ⵉⵙⵡⵉ-ⵉⵙ ⴷ ⴰⵙⴰⵍⵉ ⵏ ⵍⵀⵉⵙ ⵏ ⵢⵉⵎⴻⵣⴷⴰⵖ ⵖⴻⴼ ⵢⵉⵎⵉⵀⵉⵢⴻⵏ ⵏ ⵡⴰⵟⵟⴰⵏ-ⴰⴳⵉ ⴷ ⵜⴰⵔⵔⴰⵢⵉⵏ ⵏ ⵓⵃⵔⴰⵣ ⴼⴻⵍⵍ-ⴰⵙ, ⵍⴰⴷⵖⴰ ⵉⵎⵉ ⵉ ⴷ-ⵢⴻⵇⵔⴻⴱ ⵍⵄⵉⴷ ⵏ ⵜⵎⴻⵖⵔⴰ.
ⵜⴻⵙⵙⵓⵜⵜⵓⵔ ⵜⵏⴻⵖⵍⴰⴼⵜ, ⴷⴻⴳ ⵢⵉⵡⴻⵜ ⵏ ⵓⵙⵉⵡⴹ ⵉ ⴷ-ⵜⴻⴼⴽⴰ ⴰⵙⵙ-ⴰ ⵏ ⵍⵀⴻⴷ, ⴷⴻⴳ ⵢⵉⵎⴻⵣⴷⴰⵖ ⵉ ⴰⵔⴰ ⵢⴻⵅⴷⵎⴻⵏ ⵜⵉⴳⴳⴰⵜⵉⵏ ⵏ ⵜⵣⴻⵍⵍⴰⵜ ⵏ ⵍⵄⵉⴷ, ⴰⴷ ⵡⴰⵍⵉⵏ ⴽⵔⴰ ⵏ ⵜⴰⵔⵔⴰⵢⵉⵏ ⵏ ⵓⵃⵔⴰⵣ ⵉ ⵓⴱⴻⵄⵄⴻⴷ ⵖⴻⴼ ⵜⵎⵓⵀⴻⵍ ⵏ ⵡⴰⵟⵟⴰⵏ. ⴳⴰⵔ-ⴰⵙⴻⵏⵜ, ⵉⵍⴰⵇ ⴰⴷ ⴷ-ⵉⵍⵍⵉⵏⵜ ⵜⴰⵔⵔⴰⵢⵉⵏ ⵉ ⵓⵣⴻⵟⵟⴻⴹ ⵏ ⵜⴹⵃⵉⵜ ⵙⴻⵍⴷ ⵜⵣⴻⵍⵍⴰⵜ ⵙ ⵜⴰⵎⴰ ⵏ ⵢⵉⵎⴻⵊⵊⴰⵢⴻⵏ ⵏ ⵢⵉⵖⴻⵔⵙⵉⵡⴻⵏ
ⵜⴻⵔⵏⴰ-ⴷ ⵜⵏⴻⵖⵍⴰⴼⵜ ⴱⴻⵍⵍⵉ ⵎⴰ ⵢⴻⵍⵍⴰ ⵓⵔ ⵢⴻⵣⵎⵉⵔ ⴰⵔⴰ ⵓⵖⵔⵉⵎ ⴰⴷ ⴷ-ⵢⴰⵡⵉ ⴰⵎⴻⵊⵊⴰⵢ ⵏ ⵢⵉⵖⴻⵔⵙⵉⵡⴻⵏ, ⵉⵍⴰⵇ ⴰⴷ ⵢⴻⵅⴷⴻⵎ ⴰⵣⴻⵟⵟⴻⴹ ⵍⵇⴰⵢⴻⵏ ⵉ ⵢⵉⴼⴻⵔⴷⵉⵙⴻⵏ ⵏ ⴷⴰⵅⴻⵍ ⵏ ⵢⵉⵣⵉⵎⴻⵔ (ⵜⴰⵙⴰ ⴷ ⵜⵓⵔⵉⵏ) ⴷ ⵢⴰⴽⴽ ⵉⵙⵡⴻⵏ ⵉⵡⴰⴽⴽⴻⵏ ⴰⴷ ⵉⵏⴰⴷⵉ ⵖⴻⴼ ⵢⵉⴽⵓⵔⴻⵏ ⵏ ⵡⴰⵎⴰⵏ. ⵉⵍⴰⵇ ⴰⴷ ⵙⵙⴻⵕⵖⴻⵏ ⵏⴻⵖ ⴰⴷ ⵙⵙⴻⴱⴱⵓⵏ ⵉⵃⵔⵉⵛⴻⵏ ⵢⵓⴹⵏⴻⵏ, ⵏⴻⵖ ⴰⴷ ⵜⴻⵏ-ⵎⴹⴻⵍⴻⵏ ⴷⴻⴳ ⵍⵇⴰⵄⴰ ⵙ ⵍⵇⴻⵡⵡⴰ (50 ⵛⵎ) ⵉⵡⴰⴽⴽⴻⵏ ⵓⵔ ⵜⴻⵏ-ⵉⴷ-ⵊⴻⴱⴱⴷⴻⵏ ⴰⵔⴰ ⵉⵇⵊⴰⵏ ⵏ ⵡⴻⴱⵔⵉⴷ.
ⵓⵔ ⵉⵍⴰⵇ ⴰⵔⴰ ⴰⴷ ⴹⴻⴳⴳⵔⴻⵏ ⵉⴼⴻⵔⴷⵉⵙⴻⵏ ⵏⴻⵖ ⵉⵙⵡⴻⵏ ⵏ ⵛⵛⴻⴽ ⴷⴻⴳ ⵜⴰⵡⵏⵏⴰⴹⵜ, ⵏⴻⵖ ⴰⴷ ⵜⴻⵏ-ⴼⴽⴻⵏ ⵉ ⵢⵉⵇⵊⴰⵏ (ⴰⵎⴰ ⴷ ⵡⵉⴷ-ⵏⵡⴻⵏ ⵏⴻⵖ ⴷ ⵡⵉⴷ ⵏ ⵍⴶⵉⵔⴰⵏ), ⵉⵎⵉ ⴷ ⵉⵇⵊⴰⵏ ⵉ ⴷ ⴰⵎⴽⴰⵏ ⵏ ⵓⵃⵔⴰⵣ ⵏ ⵜⴽⴻⵔⵔⵉⵛⵜ-ⴰⴳⵉ. ⴷⴰⵖⴻⵏ, ⵓⵔ ⵉⵍⴰⵇ ⴰⵔⴰ ⴰⴷ ⵜⵜⵓⵏⴻⵎⵍⴻⵏ ⵢⵉⴼⴻⵔⴷⵉⵙⴻⵏ ⵢⵓⴹⵏⴻⵏ ⴷ ⵢⵉⴹⵓⵎⵎⴰⵏ ⵏ ⵓⵅⵅⴰⵎ.
ⴷⴻⴳ ⵓⵏⵏⴰⵔ-ⴰⴳⵉ, ⵜⴻⵙⵙⵉⵡⴻⵍ ⵜⵏⴻⵖⵍⴰⴼⵜ ⵏ ⵜⴰⵣⵣⵉⵜ ⵉ ⵓⵇⴰⴷⴻⵔ ⵏ ⵢⵉⵍⵓⴳⴰⵏ ⵏ ⵜⴻⵣⴷⴻⴳ, ⴰⵎ ⵓⵡⵡⴰ ⵏ ⵢⵉⴼⴰⵙⵙⴻⵏ ⵓⵇⴱⴻⵍ ⵡⵓⵞⵞⵉ ⴷ ⵙⴻⵍⴷ ⵓⵏⵏⴰⵍ ⵏ ⵢⵉⵇⵊⴰⵏ.
ⴰⵔⵏⵓ ⵖⴻⵔ
